सांस्कृतिक कार्यक्रम

• वार्षिक उत्सव: विद्यार्थ्यांच्या कला, गायन, नृत्य आणि अभिनय कौशल्यांना वाव देण्यासाठी वार्षिक सांस्कृतिक कार्यक्रम आयोजित केला जातो.
• साहित्यिक कार्यक्रम: वक्तृत्व, निबंध लेखन, वाचन आणि कवितावाचन स्पर्धांचे आयोजन केले जाते, जे विद्यार्थ्यांच्या भाषा कौशल्यांना प्रोत्साहन देते.
• स्वरचित कविता लेखन: महिला दिनी आमच्या शाळेत दरवर्षी महिला दिनी कविता लेखन स्पर्धा आयोजित केली जाते जेणेकरून स्त्रीत्वाची भावना साजरी करता येईल, लिंग समानतेला चालना मिळेल, आपल्या समाजातील महिलांच्या कामगिरी आणि योगदानाची ओळख पटेल आणि आमच्या विद्यार्थ्यांमध्ये सर्जनशील लेखन कौशल्ये विकसित होतील.

क्रीडा आणि खेळ

• क्रीडा स्पर्धा: क्रिकेट, कबड्डी, खो-खो, शतरंज यांसारख्या विविध क्रीडा स्पर्धांचे आयोजन केले जाते, जे विद्यार्थ्यांच्या शारीरिक विकासास मदत करतात आणि संघभावना वाढवतात.
• योग आणि ध्यान: नियमित योग आणि ध्यान सत्रे घेतली जातात, जे विद्यार्थ्यांच्या मानसिक आरोग्यासाठी लाभदायक असतात.

शैक्षणिक सहल आणि निसर्ग भ्रमंती

• शैक्षणिक सहल: विद्यार्थ्यांना विविध ठिकाणी शैक्षणिक सहलींना नेले जाते, ज्यामुळे त्यांचे ज्ञान वाढते आणि प्रत्यक्ष अनुभव मिळतो.
• निसर्ग भ्रमंती: विद्यार्थ्यांना निसर्गाच्या सानिध्यात वेळ घालवण्यासाठी विशेष भ्रमंती आयोजित केली जाते.

शालेय गटचर्चा आणि कार्यशाळा

• गटचर्चा: विद्यार्थ्यांमध्ये विचारांची देवाणघेवाण करण्यासाठी गटचर्चांचे आयोजन केले जाते, जे त्यांचे विचार स्वातंत्र्य आणि आत्मविश्वास वाढवतात.
• कार्यशाळा: विज्ञान प्रयोग, हस्तकला, संगणक शिक्षण यांसारख्या विविध विषयांवरील कार्यशाळा आयोजित केल्या जातात.

स्वच्छता अभियान

• स्वच्छ शाळा अभियान: विद्यार्थ्यांना स्वच्छतेचे महत्त्व पटवून देण्यासाठी स्वच्छ शाळा अभियान राबवले जाते, जिथे विद्यार्थी सक्रिय सहभाग घेतात आणि शाळेची स्वच्छता राखण्यास मदत करतात.

सामाजिक उपक्रम

• सामाजिक सेवा: विद्यार्थ्यांना समाजाच्या सेवेचे महत्त्व समजण्यासाठी वृक्षारोपण, रक्तदान शिबिर, ग्रामीण विकास कार्यक्रम यांसारखे उपक्रम आयोजित केले जातात.

पायाभूत व साक्षरता कार्यक्रम (इयत्ता १ ते ४)

• आमचा पायाभूत व साक्षरता कार्यक्रम विद्यार्थ्यांना गणित आणि मराठी विषयांमध्ये भक्कम पाया मिळावा यासाठी रचला आहे. उपक्रमाधारित शिक्षण पद्धतीच्या माध्यमातून विद्यार्थ्यांना मूलभूत संकल्पना आणि कौशल्ये विकसित करता येतात, जे त्यांच्या भविष्यातील शैक्षणिक यशासाठी उपयुक्त ठरतात.

संवादात्मक इंग्रजी कार्यक्रम (इयत्ता ५ ते ८)

• कोटक एज्युकेशन फाऊंडेशनच्या सहकार्याने आम्ही संवादात्मक इंग्रजी कार्यक्रम राबवतो. या कार्यक्रमाचा उद्देश विद्यार्थ्यांच्या इंग्रजी भाषेच्या कौशल्यात सुधारणा घडवून आणणे आहे. डिजिटायझड सामग्री आणि तज्ज्ञ मार्गदर्शकांच्या मदतीने विद्यार्थ्यांना संवाद कौशल्ये आत्मसात करता येतात, ज्यामुळे त्यांचा आत्मविश्वास वाढतो.

डिजिटलायझेशन

• तंत्रज्ञानाच्या मदतीने शिक्षण अधिक प्रभावी व आकर्षक बनविणे गरजेचे आहे. आमच्या डिजिटल शिक्षण उपाययोजनांमुळे शिक्षक आणि विद्यार्थी उपलब्ध संसाधनांचा प्रभावी वापर करू शकतात, ज्यामुळे शिक्षण अधिक सुलभ आणि भविष्यकाळासाठी तयार होते.

कोडिंग कार्यक्रम (माध्यमिक विद्यार्थ्यांसाठी)

• पाय जॅम फाउंडेशनच्या सहकार्याने आम्ही माध्यमिक वर्गातील विद्यार्थ्यांसाठी कोडिंग कार्यक्रम राबवतो. हा कार्यक्रम विद्यार्थ्यांना संगणक प्रोग्रामिंगची ओळख करून देतो आणि त्यांना तर्कशक्ती, समस्या सोडवण्याचे कौशल्य आणि सर्जनशीलता विकसित करण्यास मदत करतो. त्यामुळे विद्यार्थी तंत्रज्ञानप्रेरित भविष्यासाठी तयार होतात.